LAB sindikatuak argitaratutako adierazpenean azaldu duenez, "prozesu arriskutsuenetan, araudirik zorrotzenak izanik ere, prebentzio-araudia ez da betetzen patronalak bitartekoak ipintzen ez dituelako. Langileek beren bizitzarekin ordaintzen dute hori".
Era berean, sindikatuak gogoratu du iaz 11 langile hil zirela altueratik erorita, eta daborduko aurten lau langile zendu direla arrazoi berdinagatik. "Argi dago konponbidea langileen presiotik eta mobilizaziotik etorriko dela, beren bizitza baita jokoan dagoena", azpimarratu dute sindikatutik eta datozen orduotan intersindikalek deituko dituzten mobilizazioetan parte hartzeko deia egin du LABek.
