Sokatira taldeko zortzi gaztek osatzen dute Goierriko jai-batzordea, denak 18 eta 21 urte bitartekoak. Iaz hartu zuten jaiak antolatzeko erreleboa, eta hilabeteak daramatzate horiek antolatzen; egindako lanaren fruituak ikusi ahal izango dituzte uztailaren 10etik aurrera. Azpimarratu dute auzokoen eta Udalaren laguntza ezinbestekoa dela, beraiek gabe ezinezkoa litzatekeelako guztia antolatzea.
"Esango nuke auzokoentzako jaietako ekintzarik garrantzitsuena Euskal Herriko Sokatira Txapelketa izango dela, 560 kilogramokoak ospe handiena duena dela esan baitaiteke", azaldu du Gorka Zarraga jai-batzordeko kideak. "Etxean lehiatzeak asko motibatzen gaitu eta inguruko auzo eta herrietatik jende asko etortzen da hori ikustera; gainera, gauean erromeria eta DJ-a ere izaten da, eta horietara ere asko animatzen dira", gaineratu du.
Egitaraua:
Uztailak 10, eguaztena
- 12:00 Meza.
- 12:30 Auzoko nagusientzako luntxa.
Uztailak 12, barikua
- 18:00 Umeen jaitsiera San Kristobaletik Iberre auzora. Txokolatea hartu eta berriro gora.
- 19:00 Txinbera-lehiaketa, Jagoba Bilbaoren omenez.
- 20:00 Umeentzako disko-festa.
- 21:00 Burruntzi-pintxoak denentzako.
Uztailak 13, zapatua
- 17:30 Trikitilariak eta giroa, Goierriko eskola zaharrean.
- 18:00 Euskal Herriko Sokatira Txapelketa: emakumeak eta gizonak.
- 18:00 Umeentzako puzgarriak.
- 20:00 Kalejira San Kristobal baselizara.
- 20:30 Saiheski-jana.
- 21:00 Sorginaren Trena.
- 23:00 Erromeria: Trikizio.
- 02:00 Bingoa
- 02:30 Show Party.
Uztailak 14, domeka
- 12:00 Meza.
- 13:00 Goi Alde Dantza Taldearen erakustaldia.
- 18:00 Asto-probak.
- 18:00 Olgetan solas.
- 20:30 Sari-banaketa.
- 21:00 Jaien amaiera eta kupelaren hustea.