Getxoko Udalak egindako balantzearen arabera, 200.000 pertsona baino gehiagok parte hartu dute aurten udalerrian ospatu diren jai nagusietan: San Isidro, Paellak, San Inazio, Itzubaltzeta/Romo, Portu Zaharra eta Areetako Mesedeetakoak. Amaia Agirre alkateak laburbildu duenez, "parte-hartze handia eta gertakari larririk eza izan dira jaien ezaugarri nagusiak, eta giro bikainak eta belaunaldien arteko bizikidetza osasuntsuak egin dute Getxo, beste uda batez, festarako leku bikaina, bai herritarrentzat, bai egun hauetan bisitatu gaituztenentzat".