Eneritz Argintxona erandioztarraren gorpuzkia uztailaren 26a aurkitu zuten, buruan kolpe bategaz, beraz, Panamako fiskaltza kasua hilketa bezala ari da ikertzen. Aldez aurretik, familiaren gazteak bere desagerpena salatu zuen Colon irlan, Panamako Bocas del Toro probintzian.
Momentuz, Karibeko herrialde horretako fiskaltzak agindu du 20 eta 39 urteko gizon bi atxilotzea, Argintxonaren heriotzagaz zerikusia izan dezaketelakoan. EITB komunikabideak zabaldutako informazioaren arabera, atxilotuek Argintxonaren hainbat gauza omen zituzten beraien etxebizitzan.
Emakumearen gorpuzkiak aste honetan heldu dira Euskal Herrira, eta, gaur, abuztuak 8, hileta elizkizuna egingo diote Erandion, bere jaioterrian; arratsaldeko 18:00etan izango da, Erandiogoikoko Andra Mari elizan.
