Udalak jakitera eman duenez, proiektuaren gauzatzeak aldameneko eraikinetan obra-lizentziak etetea eta arkupeetan ez dauden ostalaritza-lokaletako terrazak aldi baterako ixtea eragingo du. Programatutako jarduerak eta ikuskizunak udalerri barruko beste kokapen batzuetara ere eramango dituztela iragarri du.
Halaber, lanen hesiak plaza, aurreko espaloiak eta Karl Marx kalea hartuko ditu, esku-hartzearen ondoren oinezkoentzat izango dena. Udaleko iturrien arabera, "ingurune irisgarriagoa, iraunkorragoa eta guztiontzako atseginagoa sortzea da helburua".
Aurreikusitako hobekuntzak
Erreformak zoladura berritzea, zuhaixka eta zuhaitz gehiago dituen landaretza berria gehitzea eta argiztapen-sistema eguneratu bat aurreikusten ditu. Etxegorri kalean zurezko hiri-altzariak ere jarriko dituzte, eta auditorioa berrituko da eskaileretan egurrezko eserleku berriak jarriz.
Esku-hartze horregaz, Erandioko Udalak Astrabuduko hirigune modernoago eta auzo-beharretara egokituago bihurtu gura du.
