Bariku arrastian, Ibarra kaleko etxebizitza-eraikin batean izandako sutearen eraginez kaleratu behar izan zituzten bederatzi familiei ostatu eman diete hotel batean. Jesus Rodríguez Erandioko Babes Zibileko arduradunak jakinarazi duenez, kaltetutako blokeko eta aldameneko eraikineko bizilagunak aldi baterako birkokatu dituzte.
Erandioko Udalak adierazi du udal-zerbitzuko teknikariak eraikinaren segurtasuna eta bizigarritasuna ebaluatzen aritu direla, baita auzotarrak horretara bueltatzeko aukera ere. Gaineratu dutenez, bilerak egingo dituzte egoiliarrakaz, maizterrakaz eta administratzaileakaz, izan ditzaketen beharrei erantzuteko.
Udaletik adierazi dutenez, oraindino ez dute adierazpen ofizialik egingo kaltetuei aldez aurretik informazioa eman eta egoeraren ebaluazio osoa egin arte.
Imágenes incendio extinguido en #Erandio, con múltiples rescates que hemos publicado#Bomberos
— Bomberos y Bomberas Bizkaia (@BomberosBizkaia) February 7, 2025
Agradecerlas a #Jagoba, eskerrik asko👍
Erandion amatatutako #Sutea _ren irudiak, 5 erreskateekin#Suhiltzaileak pic.twitter.com/BfWlFeXSVM
Zauritu bi
Sua 18:30ean piztu zen barikuan, eta Artatzako eta Uriosteko suhiltzaileek esku hartu behar izan zuten hori itzaltzeko eta bost pertsona eta txakur bat erreskatatu behar izan zituzten; horietako bi Gurutzetako ospitalera eraman zituzten kea arnasteagatik.
