Uztaileko hirugarren astean Asuaren txanda izango da Erandion. Auzotarrak gutxi izan arren, Erandiogoikoko bizilagunakaz batera batzen dira festa hauek antolatu eta ospatzeko. Jai-batzordeko kideek adierazi dutenez, "Asua oso auzo berezia da, bertako jendeak nortasun berezia du eta jaiek horren kutsua dute". Aitortu dute jaiak "nahiko sinpleak" direla egitarauari dagokionez, baina azpimarratu dute auzotarrek egiten dituztela horiek berezi.
Egitaraua
Uztailak 18, barikua
- 20:30 Txupinaren jaurtitzea.
- 21:00 Sardina-jana eta igel-toka txapelketa.
- 23:00 Matraka elektrotxaranga eta musika txosnan, gaua bukatu arte.
Uztailak 19, zapatua
- 11:00 Umeen futbol-torneoa, Arteagako futbol-zelaian.
- 11:45 Beteranoen futbol-partidua.
- 13:00 Trikipoteoa Asuatik.
- 15:00 Herri-bazkaria.
- 17:30 Torneoko sari-banaketa.
- 18:00 Goi-Alde eta Gorantzaileak dantza taldeen dantzaldiak.
- 19:30 Umeentzako marrazki-lehiaketa eta aurpegi margotzea.
- 21:00 Burruntzi-pintxo dastaketa.
- 21:30 Mariatxiak.
- 00:00 Erromeria: Urrats.
Uztailak 20, domeka
- 12:30 Meza santua.
- 15:00 Herri-bazkaria.
- 17:00 Bingoa eta dantzagarriak.
- 18:30 Kontzertua: Triskele.
- 20:00 Jaien amaiera.