Langile kopurua indartzeaz gain, Osakidetzak, Erandioko Udalagaz lankidetzan, kontsultategia handitzeko eta hobetzeko obrak egin dituela ere azaldu dute Osakidetzako iturriek. Esku-hartze horren helburua kontsultategia osasun-langileen eta Erandiogoikoko bizilagunen egungo beharretara egokitzea izan da, eta horiei esker, kontsulta bi gehiago eta gune berrituak ditu, arreta erosoagoa eta eskuragarriago emateko.
Jarduera horiekaz, Eusko Jaurlaritzako Osasun Sailak eta Osakidetzak zerbitzua udalerriaren beharrizan demografikoetara egokitu gura izan dute zerbitzua, zehazki, kontsultategia dagoen eremura, azken urteotan bertako biztanleria hazi egin baita nabarmen.
Lanpostu berria beteko duen medikuak eta erizainetako batek astelehenetik barikura, goizez, eskainiko dute arreta, eta Erandiogoikoko eta Lezamako kontsultategien artean banatuko dute lanaldia.
