Ekitaldian dozenaka herritar bildu ziren, euren artean biktimen senideak eta lagunak. Urtez urte, Altzaga eta Astrabudua tartekatzen dituzte omenaldia egiteko, eta, aurten Altzagaren txanda bazen ere, Astrabuduan egin dute, Udalak plazan egin dituen berritze-lanak direla-eta izena ematen dion Josu Murueta izendapena ia desagerrarazi baitute. "Oso larria iruditzen zaigu fintasun falta hori. Gure ustez, haserre egoteko arrazoi asko dago, izen hauek garrantzitsuak baitira", deitoratu zuten.
"Zalantzarik gabe, gure herriaren oroitzapen mingarriak dira. Gauza batzuk ezin dira egin, oroimen historikoari ematen zaion arreta eskasa ez zaigu gustatzen; adibidez, liburu batzuk idatzita daude, baina ez daude jendearen eskura. Plazari izena ez jartzearen "oker" hori mugarria da", gaineratu zuten elkarretaratzean.
Horrez gain, ekitaldian Erandioko Oroimenak senideei eta lagunei eskerrak eman zizkien urteetan egindako lan nekaezinagatik, "uste dugulako ezinbestekoa dela haien lana aitortzea, nahiz eta askok erailketa horiek ahaztu nahi izan arren".
Era berean, egun Palestinan bizi den egoera ere aipatu zuten eta Israelen aurkako boikota aldarrikatu zuten: "Uste dugu ezin dela egon gobernu autoritarioek eragiten dituzten ankerkeriak gogoratzeko ekintzarik, Palestinako herriak pairatzen duen genozidioaz hitz egin gabe".
