ELA sindikatuak adierazi duen moduan, grebak maiatzaren 22ra arte iraungo du, lan-gainkarga dela eta langileak egoera jasanezinean bizi direla salatzeko. Azpimarratu dutenez, egoerak langileen osasunari kalte egiten die eta, ondorioz, erabiltzaileei ematen dieten atentzioaren kalitatea jaitsi egin da.
Aldarrikapen nagusien artean, ELAk azpimarratu du Erandioko egoitza horretan egunero langile falta dagoela eta lanaldi partzialak prekarietate handia eragiten duela euren lanean. Hori dela eta, atentzioaren kalitatea guztiz murriztuta ikusi dute.
Era berean, langileek aipatu dute euren lanaldiak fisikoki akidura handia eragiten diela eta euren lan-osasuna ez dela zaintzen. "Ezin dugu kalte egiten gaituen baldintza hauekaz lan egin", salatu dute.
