Negoziaketak berrabiatzeko esfortzua egiteko eskatu die Getxoko Udalak patronalari eta garbitzaileei

Kale-garbitzaileek eta hondakin-biltzaileek astelehenean hasitako greba mugagabearen harira, negoziaketak berrabiatzeko esfortzua egiteko eskatu die Getxoko Udalak patronalari eta enpresa batzordeari, "lehenbailehen akordioa lortu ahal izateko". Bestalde, Eusko Jaurlaritzak ezarritako gutxieneko zerbitzuetan gertatzen ari diren “oztopo batzuen” aurrean, Udalak Udaltzaingoa eta Ertzaintzaren arteko koordinazioa ezarri du lanek aurrera egin dezaten eta “gutxieneko zerbitzuak ezarri bezala aurrera eramatea ahalbidetzeko”.