Azken egunotan Getxon jazotako eraso sexistek ezinegona piztu dute auzotarren artean. Abuztuan bakarrik, gutxienez lau emakumek eraso sexistak pairatu izana salatu dute, tokiko eragile feministek jakinarazi dutenez. Horren aurrean, gaur, eguaztenagaz, beltzez jantzitako hainbat emakumek San Nikolas plaza hartuko dute 19:30ean, “Women in Black” ekintzaren baitan.
Eraso sexistak pairatu izanagatik lau emakumek salaketak jarri zituzten abuztuan zehar. Lehenengoak Itzubaltzeta/Romoko jaietan; bigarrena, Algortako Portu Zaharreko jaietako lehenengo gauean; hirugarrena, Algortako Fadura kiroldegian; eta laugarrena, Algortako Alangobarri inguruan.
Fadura kiroldegian Ertzaintzak gizon bat inputatu zuen ustez kiroldegiko langile bati zirriak egiteagatik. Hala ere, Getxo Kirolakek jazoera hori ezeztatu zuen: “hainbat hedabidetan agertutako informazioa ez dela zuzena argitu nahi du Getxo Kirolak-ek: batetik, esan, ustezko eraso hau ez zela gertatu Fadurako kiroldegian, eta, bestetik, ustezko erasotutako emakumea ez zela udal-erakunde honetako langilea”.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.