Usategi kafetegia itxi ostean ekin dio Getxoko Udalak agiri berriak egiteari

Usategi Kafetegiaren barrualdea. © Usategi kafetegia.

Algortako Usategi parkean dagoen kafetegiaren ustiapen baimena hilaren 12an amaitu zen. Ostalaritza-zerbitzua ustiatu dutenek giltzak bueltatu dituzte daborduko; horren ostean Getxoko Udalak lokalaren egoera aztertu eta agiri berriak egiteari ekin diola iragarri du Getxoko EH Bilduk, Udal Gobernuak Hirigintzako Informazio Batzordean emandako argibideak aipatuta.

Koalizio abertzaleak iragarri duenez, prozesuak gutxienez bost hilabeteko iraupena izan dezake, eta horiei egin beharreko lanen iraupena gehitu beharko zaie; beraz, "Udalaren kudeaketaren ondorioz, getxoztarrok zein gurera datozenok ezin izango dugu erabili, urtebetez edo denbora gehiagoz itxita izango baita kafetegia".

"Ez da lehenengo aldia Udalak agiriak garaiz egin ez izateagatik getxoztarrek zerbitzurik gabe geratzen direna", jarraitu dute. Iazko udan hondartzetako txosnen kasua ekarri dute gogora EH Bildukoek; "denboraldia oso aurreratuta zegoela ireki ziren". Kasu horretan, arrazoia ustiapen-orriak berandu aurkeztea izan zela jakinarazi dute. "Oso larria iruditzen zaigu beren burua kudeaketa onaren eredutzat agertzen direnen utzikeria. Jakin bazekiten, epea amaitzear zela", salatu dute.

 

Erlazionatuak

Algortako Usategi kafetegiaren itxiera Udalaren "utzikeriaren ondorioa" dela salatu du EH Bilduk

Getxo

Algortako Usategi parkeko kafetegiaren ustiapen kontratua 2005eko urriaren 28an onartu zuen Getxoko Udalak, 10 urteko iraupena zuela. Hala, hil hon...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun