Alvaro Gonzalez Kiroletako zinegotziak adierazi duenez, azpiegiturak jasandako eraso hori "eraikina erabiltzen zuten kluben eta kirol- eta kultura-elkarteen kontrako erasoa ere bada". Izan ere, udalerriko elkarteek askotan erabiltzen zuten espazio hori, eta, gainera, "oso baliagarria zitzaigun herriko taldearen aurka lehiatzera bisitatzen gintuzten kluben lagun egiteko", erantsi du zinegotziak.
Aseguru-konpainiak kalteen behin betiko balorazioa egin behar du oraindino, baina espazioa birgaitzeko 600.000 eurotik gora beharko dela aurreikusi du. Azaldu dutenez, egurrezko eraikina, estalkia, komunak eta eratxikitako eraikinaren biltegiak osorik zaharberrituko dituzte.
Udalerriko kluben ordezkariakaz bilera
Joan den astean, Getxo Kirolak udalerriko 27 kluben ordezkariakaz bildu zen, eta eurakaz adostu zutenez, datozen asteetan garagardotegiaren ondoko aterpea erabili ahal izango dute, aurreikusitako zaharberritze lanak amaitu arte. Halaber, lan-talde bat osatu dute azpiegituraren behin betiko birgaikuntza-proiektuan "modu adostuan eta parte hartzailean" lan egiteko, arduradunek azaldu dutenez.
