Azken egunotan bildutako iritzi eta ideia guztiak bildu eta aztertu ondoren, aurrekontu proposamena egingo du laster EH Bilduk. Hori dela eta, hilaren 29an eta martxoaren 3an gobernu-taldeagaz izandako negoziaketen berri emateko bilerak egingo dituzte Itzubaltzeta/Romon eta Algortan, hurrenez hurren. Halaber, bilera horietan "erabakiak" hartuko direla iragarri du koalizio abertzaleak. Hala, bileretan parte hartzeko deia zabaldu dute EH Bildukoek.
Itzubaltzeta/Romoko bilera hilaren 29an, astelehenean, izango da, kultur etxean, 19:00etan. Algortan, berriz, martxoaren 3an, eguenean, izango da, 19:00etan, Villamonteko kultur etxean.
