Alde Hemendik Eguna urriaren 12an ospatzen diren Hispanitatearen Eguna eta Guardia Zibilaren eguna salatzeko asmoz egin zuten. Daborduko bost hilabete igaro dira ordutik, eta Algortako 16 bat gaztek egun horren harira ehuna euroko isunak jaso dituzte, Guardia Zibilaren kontrako oihuak egin zituztelakoan.
Salaketa gutunaren arabera, gazte horiek guztiek "ez zaituztegu nahi, ez zaituztegu behar", "torturatzaileak alde hemendik" eta "txakurrak" gisako oihuak egin zituzten.
Heldu berri diren isun horiek adierazpen askatasunaren kontrako eraso "larria" direla uste dute Algortatik Hankako kideek, eta "errepresio horren aurrean, herri gisa" erantzungo dutela iragarri dute.