Getxoko hainbat ordezkari politikok agerraldia egingo dute zapatu honetan, hilaren 21ean, Gure Esku Dagok osatutako adierazpena babesteko. Hala, erabakitzeko eskubidearen bidean "aurrera egiteko konpromisoa" hartuko dute. Hitzordua goizeko 11:00etan jarri dute, Algortako San Nikolas plazan. Hurrengo egunean, domekan, Uribe Kostako galdeketaren aurkezpena egingo du eskualdeko GED taldeak, Sopelan, 12:30ean.
Getxoko agerraldian trantsizioaz geroztik Getxoko hautetsi izan diren eta gaur egun diren berrogei lagunetik gora egongo dira, antolatzaileek jakinarazi dutenez.
Hurrengo egunean, domekan, berriz, Uribe Kostako galdeketaren aurkezpena egingo du Gure Esku Dagok, Sopelako udaletxearen aurreko plazan. Azaldu dutenez, momentuz, lau udalerrik erabaki dute galdeketarako prozesua martxan jartzea: Sopela, Urduliz, Barrika eta Lemoiz. Halere, iragarri dutenez, "beste herri batzuek ere prozesu horretara batzeko asmoa dute".
Ekitaldian hainbat kontu aurkeztuko dituzte, hala nola 150 lagun inguruko osatzen duten Sustapen batzordea, galdeketaren eguna, logoa eta txosten bat. Guzti horretarako hitzordua 12:30ean jarri dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.