Aurten udal diru-laguntzen banaketa zuzena eta auzo bakoitzeko errealitatera egokituta jai batzordeakaz lortutako akordioaren ondorioz, aurten San Inazioko jaietara 36.700 euro zuzenduko dira (iaz 35.000 euro); 28.700 euro Itzubaltzeta/Romokoetara (iaz 27.500 euro), eta 24.300 euro Portu Zaharreko jaietara (21.600 euro aurrekoan). Jai-egitarauak batzordeek egindakoak dira, eta Udalak batzordeei emandako diru-laguntzaren bitartez eta giza baliabideak eta materialak haien esku jarriz kolaboratzen due.
Imanol Landa Getxoko alkateak nabarmendu duenez, "jai batzordeen lana eta papera oinarrizkoa da udalerriaren dinamizaziorako. Getxotarrak eta bisitatzen gaituzten lagunak egitarauekin gozatzera animatzen ditut, jai parte hartzaileak, gure kulturan oinarrituta eta euskaldunak izatera, eta horietan guztiok askatasunean eta gainontzekoekiko errespetuarekin gozatzera, inolako eraso sexistarik gabe".
Bestalde, Ertzaintzak eta Getxoko, Sopelako, Plentziako eta Gorlizko udaltzaingoek herriko jaietan segurtasuna bermatzeko neurriak batera jarri dituzte indarrean.