Indabada jaialdiaren 17. edizioa egin zuten joan den urriaren 24an Algortan. Guztira 400 pertsona inguru batu ziren San Nikolas plazan, eta jai giro ederrean. Hala ere, antolatzaileek salatu dute "gune publikoaren erabilera arduratsua" egiteagatik, udal-gobernuak antolatzaileen aurkako "neurri polizial kezkagarriak" ipini dituela martxan. Hori salatzeko, prentsaurreko jendetsua egingo dute bihar, zapatuan, 12:30ean, San Nikolas plazan.
Indaba-jana egin zenetik hona, "gazte ugarik jarraipenak, identifikazioak eta telefono bidezko jazarpenak" jazo dituztela ohartarazi dute, "dena, aisialdi-eskaintza arrakastatsu bat eskaini eta ondoren plaza garbi-garbi uzteagatik". Aitortu dutenez, "arazoa ekimena Udalari ez jakinaraztea" da, baina "aitzakia" baino ez dela uste dute. Hala, egoera hori salatzeko, "gazte asko" batu gura dituzte egingo duten prentsaurrekoan, zapatuan, hilaren 12an, 12:30ean, San Nikolas plazan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.