Erresistentzia-kanpaldiari ekin diote Tosu landan

Kanpaldiari ekin diote. © TOSU BETIRAKO.

Dragados S.A. eta Geotecnia y Cimientos S.A. (Geocisa) enpresek osatutako aldi baterako enpresa-elkarteak 12 hilabete ditu Ibarbengoako metro-geltokiaren ondoan hiru solairuko parkinga eraikitzeko. Hala ere, Bizkaiko Garraio Partzuergoak jakinarazi duenez, obrak "laster" hasiko dira. Horren aurrean, proiektua geldiarazi guran, erresistentzia-kanpaldi mugagabeari ekin zioten atzo, eguenean, Tosu Betirako taldeko kideek, hainbat herritarrakaz batera.

Kanpaldian hainbat ekintza prestatu ditu plataformak: bertso-afaria, mahai-ingurua, hitzaldiak, kontzertuak eta tailerrak, besteak beste. Halaber, hurrengo zapatuan, hilaren 21ean, aparkalekuaren kontrako manifestazioa egingo dute, 12:00etan, Algortako Telletxe plazatik abiatuta.

Erlazionatuak

Dragados eta Geocisa enpresek eraikiko dute Getxoko Ibarbengoako parkinga

Getxo 1

Dragados S.A. eta Geotecnia y Cimientos S.A. (Geocisa) enpresek osatutako aldi baterako enpresa-elkarteak eramango ditu aurrera Getxoko Ibarbengoak...