Bihar, martitzenean, Algortako Itxe kaleko bigarren zatia ibilgailuentzat itxiko dute, Iturgitxi eta Areneazpi kaleen artekoa, garajeetako sarbideak izan ezik. Bide-mozketa kalea urbanizatzeko egiten dabiltzan lanengatik izango da; hala, aipatutako kale-zatia 4 edo 6 astez itxita egotea aurreikusi dute.
Horren ondorioz, Iturgitxi kalean, Iparbide eta Itxe arteko tartea kale itsu bihurtuko da, noranzko bikoitzekoa autoentzat. Oinezkoentzako ibilbideak bere horretan geldituko dira, nahiz eta beren trazadura aldatu egingo den, lanak aurrera egin ahala.
Bestalde, amaitu dira aipatutako kaleko lehen zatiko lanak, Arene eta Areneazpi artean egindakoak; eta horrengatik, zabalik dago daborduko ibilgailu eta oinezkoentzat.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
