Autobus transfoboa Getxotik igarotzea ekiditen ahaleginduko da Gobernu-taldea

Hazte Oir elkarte ultrakatolikoaren autobus transfoboa. EUSKALERRIA IRRATIA

Imanol Landa Getxoko alkateak Hazte Oir elkarte espainiar ultrakatolikoak transexualitatearen kontra martxan ipinitako kanpaina errefusatu du. Ekimen hori espainiar Estatuko hainbat hiri bisitatzea aurreikusita duen autobus baten bidez egiten dabiltza. Ibilgailuak aniztasun sexualaren kontrako hurrengo mezua darama idatzita: "Los niños tienen pene. Las niñas tienen vulva. Que no te engañen". Getxora, hilaren 10ean etortzea aurreikusita dago.

Gobernu-taldeak (EAJ eta PSE-EE) nabarmendu du Getxo udalerri irekia dela, aniztasunaren aldekoa, eta tolerantea sexu-aukera guztiakaz, eta berdintasunaren kontrako edo izaera sexualagatik pertsonekiko gorrotoa eta bazterketa zabaltzen duten kanpainen aurkakoa.

Alkateak azpimarratu du "Getxo pertsona ororen giza eskubide guztien aldekoa da, bere politika guztiek eta berdintasunaren alde egiten duen lanak agerian uzten duten bezala".

Gainera, Gobernu-taldeak aztertuko du, dagozkion udal eskumenen barruan, aipatutako autobusak udalerritik pasatzeko eduki dezakeen asmoa ekiditeko modua, "mota horretako ekimenek ez dutelako herritarren bizikidetzaren alde egiten".

EH Bilduko udal-taldeak uste du Hazte Oir elkartearen kanpaina "aniztasunaren kontrakoa eta gezurretan oinarritutakoa" dela. Hori dela eta, hori dena onartzeko prest ez daudela azaldu dute, "ez gaude prest gure kaleetatik paseatzen uzteko".

Madrilen autobusa geldiarazi dute

Madrilgo Udaltzaingoak Hazte Oir elkartearen autobusa gerarazi du gaur, eguaztenean, hirian ibili ostean. Udalak kanpaina "biolento eta iraingarri" gisa hartu du eta fiskaltzari galdegin dio ea lgtbfobia deliturik baden. Horrez gainera, publizitatearen ordenantzak betetzen ez dituela salatu du.

Erlazionatuak

Bea Sever: "Ez dago munduan gauza okerragorik, inork ez ikustea baino"

Erabiltzailearen aurpegia Getxo

Bea Sever Egaña algortarra Chrysallis Euskal Herria elkarteko kidea da. Transexualitate-egoeran dauden umeen gurasoek osatzen dute elkartea,...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun