San Nikolas ikastolak doluminak agertu dizkio atzo Galean hilik aurkitu zuten neskaren familiari

Algortako San Nikolas ikastolak doluminak eta elkartasuna agertu dizkio atzo Galean hilik aurkitu zuten neskatoaren guraso, senitarteko eta lagunei. Lehen ikerketen arabera, gorpuak ez du indarkeria zantzurik; hala ere, autopsia egingo diote, heriotzaren nondik norakoak argitzeko.

San Nikolas ikastolako hezkuntza-komunitateak zabaldutako oharra

Gure ikastolako ikasle Naroaren heriotzaren berri izan dugunean, ikastola garen guztiok bihotz-bihotzean
sentitu dugu gertakari lazgarri hori. Gurea zen Naroa, eta horrela sentitzen dugu eta horrela adierazi nahi dugu.

Gure musu eta besarkadarik handienak Naroaren guraso, senitarteko eta lagunei; zuekin gaude nahi duzuenerako. Ikastola osatzen dugun ikasle, langile eta familiek gure dolua bideratu nahi dugu, gure
emozioak adierazi eta negar egin nahi dugu elkarrekin, Naroaren memoria errespetatu eta dagokion agurra eskaini nahi diogu.

Erlazionatuak

Neskato baten hilotza atera du Galeako harkaitzetatik Ertzaintzak

Getxo

Atzo Algortan desagertutako 14 urteko neskaren hilotza aurkitu dute gaur Galeako arroketan. Gauerdian eman zuten senideek desagerpenaren abisu...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun