URAk Fadurako zubi berria irekiko du gaur

© GETXOKO UDALA.

URA Uraren Euskal Agentziak behin betiko irekiko du gaur Algortako Fadurako zubi berria, ibilgailuen trafikorako ere. Zubi berriak 18 metro luze eta 13 metro zabal ditu, 5 metroko galtzada eraiki da bertan, oinezkoentzako bi espaloi ditu eta 3 metro zabaleko bidegorria jarri dute. Hormigoi armatu aurreatezatuzko habeez osatua dago.

Era berean, Krainer deritzon bioingenieritza-teknikaren bidez, haritz-zura eta sahats-zutoinak aldaxkatzea baliatuz,  30 metro luzerako tarte bat egonkortu du, kirol esparrua zeharkatzen duen ibaiaren tarte batean.

Lanok 775 metro luzeko tartean egin dira; eta 2,6 milioi euroko inbertsioa behar izan dute.

Erlazionatuak

Fadurako zubia ordezkatzeko lanak hasi ditu URAk

Getxo

Martxan dira daborduko Algortako Fadura kiroldegiaren inguruko zubia ordezkatzeko lanak. Azpiegitura berriak, zaharraren aldean, bestelako tipologi...
Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun