Getxoko herritarrek 624 ekarpen egin dituzte Areetako Santa Ana auzoko inguruetan hobekuntzak egiteko. Auzo horretan maiatzaren 19tik ekainaren 4ra bitartean egindako Getxo Txukun parte-hartze izaerako programan jasotako proposamenak 267 izan ziren, horretarako jarri ziren buzoietan (201) eta karpetan (66). Gainera, 46 pertsonak Txukungetxo.net atariaren bitartez bidali zituzten euren ekarpenak.
Jasotako iradokizunak aztertu, kuantifikatu eta baloratu egin dira, gaiaren arabera eta Udaleko arlo erantzule zuzenaren arabera sailkatuz.
Jasotako ekarpenak honako arloakaz dute zerikusia: Hirigintza, Lanak, Zerbitzuak, Ondarea eta Etxebizitza (242); Ingurumena (229); Presidentzia –Zerbitzu Orokorrak, Udaltzaingoa, Babes Zibila eta Bide Publikoa– (63); Kultura (12); Ogasuna, Sustapen Ekonomikoa eta Giza Baliabideak (10); Giza Zerbitzuak eta Esku-hartze komunitarioa (6); Komunikazio, Herritarrei Arreta, Gardentasuna eta Herritarren Partaidetza (3).
Prozesuaren eremutik kanpo (Santa Ana) egiteko 56 proposamen jaso ziren eta beste 3 Udalaren eskumenekoak ez zirenak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
