Itxas Argia elkarteak antolatzen duen jaiaren zati bat lur pribatuetan egiten da, eta ez da paella-txapelketa ofizialeko eremuan egiten. Hori dela eta, aurten hainbat neurri hartu ditu Udalak, azken urteotan gero eta jende gehiago biltzen delako eremu horretan, eta bertan eraikitzen diren eraikinak "gero eta handiagoak" direlako. Neurri horiek lurren jabe diren erakunde eta norbanakoakaz adostu dira.
Horren denaren helburua da, ahal den neurrian, jaiari lotutako arriskuak gutxitzea, hau da, egurrez egindako eraikinek eta jaiegun horretan piztutako suteek eragin ditzaketen arriskuak saihestea. Horretarako, bideak eta ebakuatzeko aldeak zehaztu dituzte, eremuaren barruan segurtasun korridoreak ezartzeko eta ur-hartuneak hurbilduz gune horretara.
"Proiektu aitzindariaren helburua ez da, inolaz ere, gure herrian oso sustraituta dagoen jarduera galaraztea, baizik eta arriskuak kudeatzeko lan egitea, eta horrela paellen jaia era informalean ospatzeko elkartzen diren pertsonak, gehienak gazteak, beraientzako segurtasun baldintza hobeagotan izateko neurriak barneratzen joatea lortzea", zehaztu du Koldo Iturbe Kultura zinegotziak.
Hori guztia udal-sail desberdinen artean koordinatuta egiten ari da eta tokian bertan lan egingo duen profil desberdineko pertsonen lan-taldea eratzea aurreikusten du. Hori aldian-aldian gunera hurbilduko da eta segurtasun handiagogaz jaia gozatu ahal izateko gomendioak helaraziko dizkie koadrilei.
Proiektua abian da eta lehiaketaren ondorengo egunean amaituko da. Bukatutakoan ebaluatu egingo da, hurrengo edizioei begirako ondorioak ateratzeko.