Uztailaren 23an, domekan, egingo dute aurten Getxoko Nazioarteko Paella Lehiaketa, Aixerrotako landan. Aurtengoa 62. edizioa izango da, eta, urtero legez, Getxoko eta Algortako gazte eta ez hain gazteek ilusio handiz hartuko dute egun osoko ekitaldi ospetsu hori. Batzuek zain daude Itxas Argia elkarteak lehiaketa-egunerako banatuko dituen olanak edo toldoak hartzeko. Hala, betiko olana daukatenek uztailaren 10ean eta 11n hartu beharko dute, iazko toldoaren zenbakia daukan papera erakutsita; Itxas Argia elkarteko egoitzara joan beharko dute, 19:00etatik 21:00etara arte.
Olanik ez daukatenek eta zozketara joan gura dutenek, ostera, uztailaren 13a daukate zenbakia hartzeko, 19:00etatik 21:00etara arte. Egun berean egingo dute zozketa, 21:00etan. Azkenik, toldoak uztailaren 26an itzuli beharko dituzte, 19:00etatik 21:00etara arte. Salneurriei dagokienez, toldo erdia 45 euroan egongo da eta toldo osoa 90 euroan. Aurretik, 25 euroko seinalea eman beharko dute toldoa gura dutenek.
Egitaraua:
Uztailak 23, domeka
- o8:00-09:30 Ibilgailuak eremura sartu ahal izango dira, gauzak uzteko.
- 10:30 Paella-lehiaketan izena ematea.
- 12:00 Txalaparta-deia, UKTESTegaz.
- 12:05 Aurreskua.
- 12:10 Itxas Argia taldeko txikien dantza-emanaldia.
- 13:30-14:30 Paellen aurkezpena.
- 17:30 Sari-banaketa.
- 18:30 Erromeria, Oxabi taldeagaz.
- Egunean zehar, umeentzako jolasak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
