Politika  Getxo 2017-08-09 16:33

Romo Kultur Etxeko atzealdeko lursaila Udalarena dela berretsi du Getxoko alkateak

Romo Kultur Etxearen atzealdeko lursaila Getxoko Udalaren jabegoa "izan dela eta izaten jarraitzen duela" dio Imanol Landa alkateak. Udal-iturriek azaldu dutenez, egoera horren berri eman zaie aipatutako eremuaren alboko jabekideen erkidegoetako ordezkariei, aldez aurretik egindako hainbat batzarretan. Horietan, alkateak gogora ekarri duenez, "txosten bat eman zaie Udalaren jabegoa egiaztatzen duen frogak jasotzen dituena". Hala erantzun gura izan die Gobernu-taldeak zenbait auzokidek egindako salaketari, Udalari jabego pribatu bat "okupatzea" leporatzeagatik.

Romo Kultur Etxeko atzealdeko lursaila Udalarena dela berretsi du Getxoko alkateak
Romo Kultur Etxearen atzeko partean dagoen lorategia okupatu gura izan zuten atzo Bycam enpresako langileek. © GETXOKO UDALA. | Ikusi handiago | Argazki originala

Jabekideen erkidegoakaz egindako batzarretan, gainera, aipatutako gunea birgaitzeko Gobernu-taldeak prestatu duen proposamena helarazi zitzaiela azaldu dute arduradunek. "Eta Udalak edozein espaziotan esku hartuko duenean egin behar duenez, lursailaren titulartasuna udalarena dela egiaztatu da, udaletxean eskuragai dagoen dokumentazioaren arabera", azaldu du Getxoko alkateak.

Udalaren titulartasuna frogatzen duen dokumentazioa jabekideen erkidegoetako ordezkariei eman zitzaien iragan ekinean izandako bilera batean, Landak adierazi duenez, "dokumentazio hori egiaztatzeko. Eta Udalak duen hori gezurtatzen duen beste bat edukitzekotan, zenbait auzotarrek hori diotela dakigunez, ekar dezatela eskatu genien, gaia aztertu eta behin betiko argitzeko. Gaur egun erantzunaren zain gaude, baina, printzipioz, argi daukagu Udala gisa ez diogula uko egingo, udal-zerbitzu juridikoen arabera, getxoztar guztiena den jabegoari".

Udalak aurreikusitako jarduketaren arabera, lursail hori "egokitu eta nabarmen hobetuko" dute, oinezkoentzako lorategi berri bat atonduz, "Itzubaltzeta/Romo eta Getxoko auzotar guztiek gozatu ahalko dutena", azaldu du Landak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa