Fadurako eta Gobelako udal-kiroldegietan 350 ikastaro eskainiko dituzte denboraldi berrian, 25 kirol-modalitatetan. Denera, Getxo Kirolak udal-erakundeak 5.528 plaza eskainiko ditu; horietatik 985 aurreko denboraldian ikaskuntza-zikloko ikastaroetan parte hartu dutenentzat izango dira; eta gainerako tokiak jende berriari eskainiko dizkie.
Antolatuko diren kirol-ikastaro horietan matrikulatzeko, datorren astelehenean, irailaren 11n, itxiko da eskaerak aurkezteko epea. Aurretiko izen-ematea Getxo Kirolaken web-orriaren bitartez egin daiteke. Horretarako, kiroldegietako bulegoetan, asteko edozein egunetan eta goiz eta arrastiko ordutegian, emango duten sarbide-gako pertsonala erabiltzea beharrezkoa da. Izen-ematea modu presentzialean egin gura duenarentzat, Fadurako edo Gobelako bulegoetan aurkeztu ahal izango du eskaera goizeko ordutegian.
Bestalde, Getxo Kirolak-ek ikastaroen programa osoaren liburuxkak dauzka bere kiroldegietako bulego horietan. Gainera, informazio hori guztia eguneratuta dago eta kontsulta daiteke erakundearen web-orrian.
Getxo Kirolak-ek badauzka prest ikastaroen programa osoaren liburuxkak.
Liburuxka
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
