Koalizio abertzaleak deitoratu du esleipena lortzeko enpresek "beharrezkoak ez diren" hainbat eskaera bete behar dituztela, berbarako hiri eta arkitektura-diseinuari lotutako partaidetza-prozesuetan nazioko eta nazioarteko esperientzia izatea eta parte-hartzea ahalbidetuko duen software propioa garatu izana. Horren harira, uste dute baldintzok «beharrezkoak ez diren zailtasunak» jartzen dituela, Getxoko enpresen "kalterako".
Ostera, Getxo Kirolakek aintzakotzat hartu du prozedura ireki bat lizitatzea, teknikariek proposatzen dituzten behar guztiakaz. "Herriarentzat proiektu estrategikoa denez, erakundearen helburua da proiektuaren garapen ona bermatzea", azaldu du. Horrez gainera, arduradunek uste dute oso garrantzitsua dela enpresa lizitatzaileak "goi-mailakoak" izan daitezela ziurtatzea.
Bestalde, euskararen erabilerari dagokionez, EH Bilduk deitoratu du pleguetan ez dela euskara kontuan hartzen: "bitxia da oso herritarrekin harremanetan ibili beharko den enpresari euskararen inolako eskakizunik ez egitea". Horri erantzunez, Getxo Kirolakek iragarri du laster hasiko den parte-hartze prozesuan euskara erabiltzeko eskubidea bermatuko dela, "Fadurako garagardotegi zaharreko eraikina berritzeko izandako prozesuan egin den bezala".
