Udalerriko 79 dendak parte hartuko dute Getxoko Izakinen Amaierako Merkatuan, hilaren 28, 29 eta 30ean. Horrela, dendek prezio merkeetan kalera aterako dituzte hainbat produktu udaberri-udako denboraldiaren amaiera emateko. Aurreko edizioen arrakasta ikusita, Udalak berriro ere ekimen hori sustatu gura du herriko komertzioa bultzatzeko eta sektore komertzialak eskaini dezakeena erakusteko helburuaz.
Algorta eta Areetako denden kanpoaldean denetarik egongo: modako artikuluak, kirola egitekoak, oinetakoak, lentzeria, liburuak, altzariak, osagarriak…
Eguraldiak azokaz behar bezala gozatzen lagundu ezean, aurreikusita dago urriaren 2 eta 3ra luzatzea, astelehen eta martitzena.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
