Oposizioko alderdi denen babesa du Ibar Nagusien Etxeko Zuzendaritza Batzordeak

Erabiltzailearen aurpegia Hiruka 2017ko abenduaren 20a

Nagusien etxea gaur egungo eraikinean mantentzea eta horren ondoko eraikina mantentzea eskatu dute.

Itzubaltzeta/Romoko Ibar Nagusien Etxeko Zuzendaritza Batzordeak lekualdaketaren kontrako jarrera berretsi du gaurko prentsaurrekoan. Azaldu dutenez, ez dago gaur egungo kultur etxea eraisteko arrazoi "objektiborik", are gehiago bazkideen borondatearen kontra. Horien arabera, Romo Kultur Etxe berria "gainerako auzokideekiko berdintasunean erabiliko duten gunea izango da", eta hala erabili gura dute eurek ere, egungo nagusien etxea hartzen duen eraikinari uko egin gabe. Getxoko Udaleko oposizioko talde denen babesa izan du gaur Zuzendaritza Batzordeak, baita hainbat sindikatu eta herriko elkarterena ere.

Agerraldia gaur goizeko 11:00etan egin dute, nagusien etxean bertan. Euren borrokaren norabidea aurkezteaz gainera, Romo Auzokide Elkarteagaz eta Eraispenaren aurkako Plataformagaz elkarlanean arituko direla nabarmendu dute, nagusien etxearen ondoan dagoen eraikina eguneko zentroa izan dadin. Gaur egun, eraikin horrek kultur etxea eta udal-euskaltegia hartzen ditu.

Era berean, bariku honetako elkarretaratzean parte hartzera deitu dute Areetako Xake plazan, hilaren 22rako. Horretarako hitzordua 19:30ean jarri dute.

Jendartea Getxo
Erlazionatuak
Lekualdatzearen kontra agertu dira Ibar Nagusien Etxea elkarteko bazkideak
Lekualdatzearen kontra agertu dira Ibar Nagusien Etxea elkarteko bazkideak

Erabiltzailearen aurpegia Hiruka 2017 urr 04 Getxo

Ibar Nagusien Etxearen lekualdatzearen kontrako hautagaitza nagusitu da
Ibar Nagusien Etxearen lekualdatzearen kontrako hautagaitza nagusitu da

Erabiltzailearen aurpegia Hiruka 2017 api 26 Getxo

Itzubaltzetako Nagusien Etxea hartzen duen eraikina babesteko plataforma sortu gura dute

Erabiltzailearen aurpegia Hiruka 2016 aza 22 Getxo

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun