Tosu Betirako" erresistentzia-kanpaldiari" egin dio ekarpena jai-eragileak, "Getxoko Tosu estratan ortu kolektiboa eta Lehen Sektorea defendatzen" duelako. Urtero, bertoko nekazaritzagaz eda abeltzaintzagaz harremana duen proiektu bati egiten diote konpartsek elkartasun-ekarpena. Aurten, Tosu Betirako egitasmoari helaraztea erabaki zuten Bilboko Konpartsek. Konpartsen ordezkarien hitzetan “zinez aberasgarria izan da guretzat guztiontzat bestelako jendarte-eredu baten alde lanean diharduten kideakaz goiza igaro eta euren proiektuaren berri lehenengo pertsonan ezagutzeko aukera izatea”. Izan ere, "adiskidetasun giro politan eta jan-edanaren epelean" banatu dute gaur Bilboko Konpartsek San Tomas egunean zozkatutako otzara ederra eta egutegien salmenta zein pintxo-banaketan lortutako dirua.
Zozketa
Bestalde, San Tomas egunean zozkatu zen bertoko produktuz hornitutako saskia Daniela Hristova-ri eta Gudrun Hadler-i suertatu zaie, eurek erosi baitzuten 1.567 zenbakidun txartela zekarren egutegia.
Daniela Hristova eta Gudrun Hadlerrek erositako egutegiak zekarren aurten San Tomas eguneko zozketan saritutako 1567 ordezko zenbakia; lehenengo saritua, 2.369 zenbakiduna, banatu gabekoen artean egon da. Iaz Bilboko Konpartsen ekarpena jaso zuen LaboreBilbo kontsumo-elkarteari hartutako ortuariak, Basatxerriko txerrikiak, Boga garagardoa eta Esnetik Kooperatibako eta bidezko Merkataritzako produktuz beteriko saskia “kuadrillan afari ederra egiteko” probestuko dutela aitortu dute saridunuek.
