Datorren eguaztenean, maiatzaren 2an, hasiko dira Euskal Herria eta Foru kaleen arteko bidea berrantolatzeko proiektuan aurreikusitako lanak. Hori gauzatzeko epea hiru hilabetekoa izatea aurreikusi dute; hori dela eta, eguaztenetik eta hilabete eta erdiz, gutxi gorabehera, bidea itxita egongo da zirkulazioarentzat sarbide hori.
Bidea era guztietako ibilgailuentzat egongo da itxita, eskola-autobusentzat ezik, eta behar bezala egongo da seinaleztatuta. Euskal Herria kaletik Foru kalera sartu gura dutenek, Algorta etorbidea hartu beharko dute (Telletxe-Ameztitik barrena). Eta Forutik Euskal Herriara sartu gura dutenek, Alango aldea hartu beharko dute (Alango-Santiena-Alangoetatik barrena).
Proiektuaren helburua da, batez ere, aipatutako bidegurutzean biribilgune bat egitea. Gainera, oinezkoen pasabide goratuak eta espaloiak ipiniko dira, errotondagaz batera, inguruko zirkulazioaren abiadura moteldu eta segurtasuna areagotzeko. Lanak 2.000 metro koadroko eremuan egingo dira.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
