Imanol Landa Getxoko alkateak gogoratu zuenez, "Bizkerrek, Euskal Ligaren irabazleak, Bigarren Mailara igotzea lortu du denboraldi bikaina egin ondoren, ligako puntuazioaren errekorra ere lortu baitu, 80 punturekin". Alkateak azpimarratu zuen, "eredu ezin hobea zarete kirolean lortutako guztiarengatik, baina baita ere emakumeen eta gizonen arteko benetako berdintasunerako bide jada geraezin honetan gizarteari egiten diozuen ekarpen guztiarengatik".