Herria guardia zibilez beteta aurkitu dute altsasuarrek gaur goizean. Espainiako Auzitegi Nazionalak Altsasu auziaren epaian zigortu eta aske ziren gazteak atxilotu ditu Guardia Zibilak. Gazteak epaitu dituzten magistratuek eman dute atxilotze-agindua, eta atxilotuak Madrilera bidean eroan ditu poliziak. "Guaixe"-k jakinarazi du 16:00etan eroango dituztela epailearen aurrera.
Altsasuko gazteen atxiloketa salatuko dute Uribe Kostan
Guardia Zibilak Iñaki Abad, Aratz Urrizola, Jon Ander Cob eta Julen Goikoetxea Altsasuko gazteak atzeman ditu gaur goizean, "ihes egiteko arriskua" argudiatuta. Horren aurrean, besteak beste, Algortan, Itzubaltzeta/Romon eta Altzagan salatuko dituzte atxiloketak: 20:00etan ipini dituzte hitzorduak, Telletxe, Kolas eta udaletxeko plazetan.
Erlazionatuak
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun