Getxoko Hiri-Antolamendurako Plan Orokorraren (HAPO) Aurrerapenari buruzko azkenengo informazio-hitzaldia egingo dute eguenean, irailaren 6an, Algortako Villamonte kultur etxean. Hitzordua 19:00etan jarri dute.
Aipatutako berbaldiaz gainera, zabalik daude jendearentzat proiektuari buruzko hiru erakusketa informatiboak, urriaren 15era arte (RKEn, Andra Mariko kiroldegian eta Villamonteko kultur etxean). Gainera, www.hapo-getxo.eus webgunean kontsulta daiteke Planaren Aurrerakinari buruzko dokumentazio dena; era berean, hiritarrek parte-hartzeko inkesta dago bertan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
