UKagroasanbladak azaldu duenez, joan den astelehenean aipatutako baserritarra bendejagaz zebilen Itzubaltzetan, elizako aterpean, eta udaltzainak berarengana joan eta handik alde egiteko eta berriro saltokirik ez ipintzeko esan zioten.
Hala, bezeroari zuzen-zuzenean saldu ahal izateko eta beragaz zuzeneko harremana edukitzeko aukera aldarrikatu zuten atzo eskualdeko baserritarrek: izan ere, "ez daukagu saltzeko aukera handirik", UKagroasanbladako kideek kexu direnez. "Gure aukerak urriak dira. Bendeja supermerkatuak agertzeaz batera desagertuz joan da", azaldu zutenez. Bestalde, atzokoa ekintza isolatua ez dela adierazi zuten; aurrerantzean ere ekimenak egiten segituko dute, azokak berpizteko. Hori dela eta, horietan parte hartzera eta laguntzera deitu dituzte herritarrak.
