Elkar ezagutu eta euren errealitate desberdinei buruz berba egiteko asmoz, 169 lagunek parte hartu zuten atzo, Getxon egindako bertoko zein atzerriko jatorria daukaten familien arteko bazkarietan, "Bizilagunak. Aldameneko familia” ekimenaren barruan. Getxoko Udalak, Egizu Getxo Euskaldun elkarteak eta Getxoko Etorkinak Federazio Plataformak antolatu dute egitasmoa, Eusko Jaurlaritzaren laguntzaz.
Oraingoan 26 familiek parte hartu dute, bertokoakaz batera; besteak beste, Kolonbia, Guatemala, Peru, Ekuador, Nikaragua, Paraguai, Bolivia, Argentina, Kongo, Maroko, Filipinar Irlak, Bulgaria, Sevilla eta Euskal Herrikoak.
"Aldameneko familia" esperientzia Europako Txekiako Errepublikan duela 13 urte sortu zen, eta Gipuzkoako SOS Arrazakeria taldeak ekarri zuen EAEra.
2018 aza 12
Getxo
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!