Azaroak 25

Hutsik zeuden 85 aulkik gogoratu dituzte espainiar Estatuan hildako emakumeak

© GETXOKO UDALA

Ia 100 pertsonak parte hartu zuten astelehenean Getxoko Udalak antolatutako indarkeria matxistaren biktimen aldeko ekintzan. Horren helburua zen salaketa publikoa egitea eta hildako emakumeak oroitzea.

Hutsik eta izen-abizenakaz egon ziren 85 aulkik ikusarazi zituzten aurten Estatu espainolean hildako emakumek. Manifestu bat irakurri zuten eta horren lehenengo esaldia hurrengoa izan zen: "emakumeen aurkako indarkeria emakume eta gizonen arteko desberdintasunaren adierazpenik muturrenekoa eta larriena da".

Manifestuak gogora ekarri zuen 2003. urtetik hona espainiar Estatuan hildako emakumeak 971 izan direla; ikusarazi zituen arrazoi desberdinengatik salaketa ez jartzea edo jasaten ari diren indarkeriaren berri ez ematea erabakitzen duten emakumeak, eta nabarmendu zuen biktimen lehengoratzea lortzeko derrigorrezkoa dela lehenengo eta behin emakumeei ahotsa ematea.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun