Emakumeen* kontrako indarkeriarik ez!
Algortako mugimendu feminista: "Indarkeria matxista oso bizirik eta sendo dago gure artean"

Getxo

Emakumeen kontrako indarkeria gogor salatu zuten joan den azaroaren 25ean Algortan; aurretik, gainera,  udalerriko emakumeek pairatu edota jasotzen dituzten indarkeria matxistak zer-zelakoak diren jakiteko, eta irudi oso bat izateko, kanpaina martxan jarri zuen Algortako mugimendu feministak. Buzoiak jarri zituzten hainbat txokotan, eta horietan batutako testigantzak bildu dituzte egunotan.