hiruka.eus

Algortako Bertsolari Eskolak jaso du Argia Ereiten Saria

Algortako Bertsolari Eskolak (ALBE) jaso zuen atzo Argia Ereiten Euskara saria, hura sortu zenetik euskal giroan eragiteagatik eta euskara sustatzeagatik. Romo Kultur Etxean izan zen ekitaldia eta Andoni Egaña bertsolari ospetsuaren ustekabeko partaidetza izan zen.

Saria Ibon Garagartza artista gazteak egindako ikurra izan da berriro IX.edizio honetan.

Imanol Landa alkateak ALBE zoriondu ondoren, adierazi zuen Eskolaren saria ospatu behar dela, bertsolaritza eta bere ezagutza sustatzeko eta bertsogintza belaunaldiz belaunaldi transmititzezko egiten duen lanagatik. "Poztekoa da Getxo bezalako herri batean bertsolaritza hain arrakastatsua izatea. Saria ALBEri emateak agerian uzten du Getxoko euskaldunen arteko harreman sozialak, emozionalak sustatzen dituela eta horren euskaldunen komunitatea trinkotzen laguntzen duela. Euskara Getxon sustrai edo adarrak balira bezala (eskulturaren moduan), hainbat esparrutara zabaltzen ari da, kulturaren, ondarearen eta ahozkotasunaren esparruan loturak, korapiloak osatzen ALBEk egiten duen lana bistakoa dela", amaitu zuen.  

Eskolako belaunaldi desberdinen ordezkaritzan, Joseba Santxok, Peru Vidalek eta Paule Ixiar Loizagak saria jaso eta eskertu zuten eta azpimarratu zuten euskara eta bertsolaritza guztionak direla, guztion altxor eta guztion gozagarri. "Euskal gizartea zerbitzatzera etorri ginen eta euskararen munduan eragiteko asmoz egin ditugu orain arteko ekitaldi guztiak", gehitu zuten.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa