Politika  Getxo 2019-04-09 10:40

Carmen Díaz, Getxoko PSEren alkategaia: “Jendearen egunerokoan lurreratu behar dugu”

Kerman Santiago Alkorta

Carmen Díaz Erandioko zinegotzi ohia izango da PSE-EEren alkategaia Getxon. Apirilaren 6an, zapatuan, egin zuten hautagaitzaren aurkezpena Villamonte Kultur Etxean; eta alkategaiaz gain, Teresa Laespalda Bizkaiko Enplegu Diputatua eta Ander Gil senataria bertaratu ziren.

“Getxo herri zoragarria da bizitzeko, eta oso harro gaude, baina bi abiadura ezberdinetan bizi da. Berdintasun politikekiko gure konpromezua oinarrizkoa da, jendearen egunerokotasunean lurreratu behar dugu”, azaldu zuen Díaz hautagaiak.

Teresa Laespaldak, aldiz, esan du “EAJren itsasontzia biratzea” lortu dutela Diputazioan: “Ezkerrera egin dute gu hor egon garelako, gobernuari bultzaka. Koalizioan izan bada ere, lan egin dugu politikak beste era batera ikus ditzan EAJk”.

Hautagaitzaren aurkezpena egin ez ezik, hauteskunde orokorretan botoa eskatzeko ere aprobetxatu dute bertaratu direnek. Ander Gil senatariak azaldu du Euskadik “abangoardia” izan behar duela: “Autogobernua defenditzen jarraitu behar dugu, kohesioa funtsezko elementua delarik”.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa