Politika  Getxo 2019-04-16 10:03

Hiri-Antolamendurako Plan Orokorrean sartu gura du Getxo Bizik Arteagako Plan Partziala

Kerman Santiago Alkorta

Getxon Bizi plataformak udal-gobernuari eskatu dio Arteagako Plan Partziala Hiri-Antolamendurako Plan Orokorrean sartu dezala. Udalak duen etxebizitza-politika jakin gura dutela adierazi dute.

Erantzukizuna eskatu diote plataformatik Udalari, Getxoko azken HAPOa 2001. urtekoa dela argudiatuz: “Udalak argi eta garbi hitz egin behar du, eta dokumentu berrian aztertu behar du Arteaga inguruko lurretako plan partziala dokumentuan sartzeko modua”.

Horrez gain, Getxoko gazteentzat sustapen publikoko etxebizitza bat eskuratzea “ezinezkoa” dela azaldu dute, eskaintza “oso urria” dela eta: “Etxebizitza berriak oso gutxi dira, eta bigarren eskuko etxebizitzek prezio izugarriak dituzte. Etorkizuna oso larria da etxebizitza Getxon bilatzen duten pertsonentzat”.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa