Kirolak  Getxo 2019-05-02 11:15

Ugartek Espainiako selekzioari uko egin dio

Erredakzioa

Inhar Ugarte pilotari getxoztarrak uko egin dio Espainiako selekzioari, Asier Aspuru eta Ekhi Ziarrusta kideakaz batera. "Gara" egunkariak azaldu duenez, "Euskal Herriko selekzioaren ofizialtasunaren borrokan euren aletxoa jarri eta gaia gizarteratzeko asmoz" hartu dute erabaki hori.

Ugartek Espainiako selekzioari uko egin dio
Ugarte goiko ilaran hirugarrena eskumatik hasita Euskal espedizioa, artxiboko irudian. © ALVARO SUSO - EKFB | Ikusi handiago | Argazki originala

Datorren urrian Estatu frantsesean jokatuko da Munduko kopa. Hala, hori prestatze aldera, Alfonso Sanz Espainiako trinket hautatzailearen deia jaso zuten hiru kirolariek apirilean. Hala ere, "Gara"k iragarri duenez, hirurek uko egin diote aukera horri, Espainiako selekzioak ordezkatzen ez dituelakoan.

Asier Aspuru abadiñarrak egunkari horri azaldu dionez, Munduko Kopa batean parte hartzea kirolari moduan arrakasta pertsonal bat lortzeko aukera ona izan daiteke. Baina, Euskal Selekzioaren ofizialtasunaren aldeko borrokan, pausotxo bat dela adierazi du.

Bizkaiko hiru pilotariek GRAVNIko finalak jokatuko dituzte asteburu honetan Hendaian, Bizkaia ordezkatuz. Aspuru bakarka arituko da, Ziarruste eta Ugarte bikotea osatuko duten bitartean.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa