Udal-hauteskundeak 2019

Juan Pedro Azkune aurkeztu du Solidaria alderdiak alkategai modura

Juan Pedro Azkunek segurtasuna handitu gura du Getxon, besteak beste. © SOLIDARIA

Solidaria alderdi sortu berriak badu alkategaia udal-hauteskundeetarako: Juan Pedro Azkune, 52 urteko enpresa-gizona, aurretik inongo alderditan ibili gabea. PSE-EE eta Podemoseko kide ohiak daude Solidarian, besteak beste.

Otsailean aurkeztu zuten Partido de Acción Solidaria Europea alderdia Bilbon, Solidaria bertsio laburrean. Idoia mendiaren ildoakaz bat ez zetozen PSE-EEko zenbait militantek bultatu zuten indar berriaren sorrera. Podemoseko kide ohiak ere badaude, eta aurretik sigla batzuen pean militantziari bakoak, Juan Pedro Azkune bera esaterako.

"Soildariak aukera eskainiko die beren aurreko aukera politikoaz pozik ez daudenei, baita ere inork ordezkatzen ez zituela sentitu dutenei", adierazi du Azkunek aurkezpenean. Esan duenez, bere programan lehentasuna edukiko duen gaietako bat segurtasuna da: "Lapurreta-kopuruak gora egin du lonja eta negozioetan, eta gaua dagoeneko ez da segurua Getxoko zenbait gunetan".

Udal-zerbitzuak optimizatu eta modu horretan auzo denei behar bezalako arreta emateko premia ere azaldu du Solidariako alkategaiak. Beraren ustez desoreka handia dago auzotik auzora zerbitzuei dagokienez; "Villamonte aldea, esaterako, ahaztuta dauka Udalak", Azkuneren berbetan. Turismoa bultzatzeko eta merkatari txikien laguntza emateko beharra ere aldarrikatu du.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun