Politika  Getxo 2019-05-10 14:26

Getxoko hautagaitza aurkeztu du EAJk, Amaia Agirre alkategaia buru

Unai Brea

EAJk Getxoko Udalerako hautagaitzako kideak aurkeztu ditu, udalerri horretarako programagaz batera. Irabaztekotan "inguru osoa birmoldatzeko proiektua" martxan ipiniko duela iragarri du Amaia Agirre alkategaiak.

Getxo bat eginik goiburuagaz aurkeztu da jeltzaleen hautagai-zerrenda, kanpainaren lehenengo egunean. "Getxo Bizkaiko golko osoan izan dadila kirol praktikarako hiririk onena, gazteek inguru osasungarrian hazterik izan dezaten, bidegorri sarean eredugarriak izan gaitezen, gure kirola eta gure kultura gure inguruan erreferentzia izan dadin" proiektua dutela esan du Amaia Agirre zerrendaburuak.

Era berean, hainbat gunetan (Iturribarri, Venancio, Konporten, Sarrikobaso, Maidagan eta Ormaza) etxebizitza babestuak egiteko asmoa dutela azaldu du Agirrek, baita ere "nagusientzako egoitza eta gazteentzako etxebizitzak uztartuko dituen proiektu berritzaile bat, belaunaldi ezberdinen arteko elkarbizitza bultzatzeko". Uragaz eta itsasoko kirol-jarduerakaz zerikusia duten enpresen haztegi bat sortzeko asmoa ere agertu du.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa