Virginia Diaz txapeldunari ongietorria egin dio Getxoko Udalbatzak

Imanol Landa alkateak eta udal-talde denetako ordezkari politikoek egin diote harrera Virginia Diazi. © GETXOKO UDALA

Virginia Diaz Rivas Areetako Raspas del Embarcadero Elkarteko arraunlariari ongietorria egin diote gaur goizean Getxoko udaletxean. Diaz lemazain gabeko biko (2-) modalitateko Europako Txapelketa Absolutua irabazi du.

Virginia Diaz zoriondu ondoren bere kirol lorpen erraldoi itzel honengatik, honako hitz hauek helarazi dizkiote: “Dakigun moduan, kirola Getxoren ezaugarrietako bat da, eta komunitatean era oso positiboan eragiten duten balioak eta politika publikoak indartzen laguntzen digu zeharka. Hori dela-eta, gaur zure urrezko domina ospatzen egotea garaipen bikoitza da, beharrezkoa eta zuzena baita maila handiko kirol-praktikak duen balioa saritzea protagonistak emakumeak zaretenean. Zu bezalako erreferenteak izateak izugarri laguntzen die gure gazteei (eta gizarte osoari) zure bidea jarraitzen, ohiturak hartzen eta bizimoduak eraikitzen, horietan exijentzia, umiltasuna eta bikaintasuna ezinbestekoak izanik zuk egiten duzun moduan gailentzeko”.

Virginia Diazek, bere aldetik, Udalari emandako laguntza eskertu dio. "Gaur hemen egotea handia da niretzat. Nire lorpen honek esan nahi du urte guzti hauetan zuon laguntza izan dudala, Udalarena, Klubarena eta nire entrenatzailearena. Aurrerantzean ere babes hori jasotzen jarraitu nahi dut nire ametsa, gure ametsa, lortzeko, alegia, olinpiada batzuetan izatea", aipatu du.

Erlazionatuak

Virginia Diaz, Europako txapeldun absolutua

Getxo

Virginia Diaz Areetako Raspas Arraun Elkarteko kidea arraunketa olinpiarreko Europako txapelduna da, Náutic Amposta klubeko Aina Cid arraunl...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun