Virginia Diaz, Europako txapeldun absolutua

Virginia Diaz, artxiboko irudian. RASPAS ARRAUN ELKARTEA

Virginia Diaz Areetako Raspas Arraun Elkarteko kidea arraunketa olinpiarreko Europako txapelduna da, Náutic Amposta klubeko Aina Cid arraunlariagaz batera, lemazain gabeko biko (2-) modalitateko Europako Txapelketa Absolutua irabazi ondoren. Bihar, eguenean, ondo-etorria egingo diote kirolariari Getxoko Udaleko ordezkariek.

Europako lehiaketaren finala Luzernan (Suitza) jokatu zuten iragan den domekan, hilaren 2an. Espainiako selekzioagaz parte hartu zuten Virginia Diaz getxoztarrak eta Aina Cid katalanak, eta Tokio 2020ko Olinpiar Jokoetan parte hartzeko urrats bat gehiago eman dute biek.

Raspas taldeko Ondiz Lekubarrik ere emaitza ona lortu zuen skiffean (1x) zortzigarren postua lortu ostean pisu arineko kategorian. Bere lehenengo aldia izan da Europako lehiaketa batean parte hartzen duena.

Bestalde, Raspas Arraunekoek emaitza paregabeak lortu zituzten zapatuan Legutioko pantanoan jokatutako Bizkaiko Lehiaketan. Denera, 11 domina eskuratu zituzten: urrezko 6, zilarrezko 3 eta brontzezko 2.

Erlazionatuak

Europako Txapelketa Absolutuan lehiatuko dira Virginia Díaz eta Ondiz Lekubarri Raspaseko arraunlariak

Getxo

Luzernan (Suitza) jokatuko dute talde getxoztarreko jokalariek arraun olinpikoko Europako Txapelketa Absolutua, aste-akabuan. Espainiako selekzioag...
Virginia Díaz arraunlaria izendatu dute Getxoko 2013ko kirolari onena

Erabiltzailearen aurpegia Getxo

Udalerriko gizarte, ekonomia eta, batez ere, kirol esparruko 300 bat ordezkari bildu ziren atzo Algortako Fadura kiroldegian ospatutako VII. “Getxo...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun