Raspas arraun taldeko kirolariek 18 domina eskuratu dituzte Euskadiko Txapelketan

Raspas arraun taldeko kirolariak, Euskadiko Txapelketan. © RASPAS

Euskadiko Txapelketa oparoa egin dute Areetako Raspas del Embarcadero Arraun Elkarteko arraunlariek, neska-mutilek, arraunketa olinpikoko modalitatean. Norgehiagoka Legutioko urtegian jokatu zen zapatuan eta, denera, 18 domina eskuratu dituzte: hamar urre, bost zilar eta hiru brontze.

Txapelketa kadete, gazte, senior, egokitu eta inklusibo kategorietan jokatu da, gizonezko zein emakumezkoetan. Raspas Arraunek 25 tripulazio eraman ditu txapelketara, arraunlari-taldearen buru Virginia Díaz zela, Europako Txapelketan, 2- modalitatean, txapeldun absolutu berri dena.

Emakumezkoetan, dominak honako ontzi hauentzat izan dira: urrea 1X kadetea, 1X gaztea eta 1X, 2X eta 4X absolutua. Eta zilarra 1X 23 urtez azpikoa eta 2X gaztea.

Gizonezkoen mailan, domina-zerrenda honela osatu da Raspasentzat: urrea 2X gaztea, 2X, 2+, 4X eta 4+ absolutua; zilarra 1X kadetea, 1X 23 urtez azpiko eta 1X gaztea; azkenik, brontzea 2+, 4X eta 4+ absolutua.

Aulki mugikorreko Euskadiko haur eta beteranoen txapelketa asteburu honetan jokatuko da, estropada-eremu berdinean.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun